منتديات شبكة زاكي

منتديات شبكة زاكي (https://zakicar.com/vb/index.php)
-   قسم : الشعر (https://zakicar.com/vb/forumdisplay.php?f=62)
-   -   برنامج الحماية لسه الفساد موجود للشاعر المصري / رشاد هويدي ( شاعر الوادي ) (https://zakicar.com/vb/showthread.php?t=38074)

زينب 12-25-2011 07:21 PM

لسه الفساد موجود للشاعر المصري / رشاد هويدي ( شاعر الوادي )
 
<div>لسه الفساد موجود !!<br />
للشاعر المصري / رشاد هويدي<br />
شاعر الوادي<br />
/////////////////////////////////<br />
<br />
هو الفساد انتهى <br />
وخلاص قضينا عليه ؟!<br />
سقط النظام بصحيح <br />
ولاّ كان تمويه ؟!<br />
******************* <br />
قلنا الحكومة السبب<br />
كانوا كلهم فاسدين<br />
واهو النظام اتقلب<br />
ليه في الفساد عايشين ؟!<br />
يبقى احنا منا السبب<br />
مش بس م التانيين !!<br />
******************* <br />
أصل فساد النظام<br />
ما ظهرش فجأة فساد<br />
دا كبر مع الأيام <br />
كان كل يوم بيزداد !!<br />
وسكتنا ع الإجرام<br />
بقى الكلاب أسياد !!<br />
******************* <br />
أصل احنا بإيدينا <br />
نبني تاريخ وأمجاد<br />
واحنا اللي بإيدينا<br />
يحكمنا تاني فساد !!<br />
******************* <br />
قلنا الفساد انتهى<br />
بعد النظام ما انزاح<br />
بس الجذور كلها<br />
مادة في قلوبنا جراح<br />
ولسه ياما كتير<br />
رؤوس من الفاسدين<br />
وفسادها صعب خطير<br />
وأكتر من التانيين !!<br />
******************* <br />
هو الفساد كان بس<br />
في حكومة ولا نظام ؟!<br />
خاين وظالم . لص<br />
وبيعشق الإجرام ؟!<br />
وكمان عديم الحس<br />
بالفقرا والأيتام ؟!<br />
******************* <br />
لسه الفساد مو جود !!<br />
دور عليه تلقاه<br />
جوه القلوب السود<br />
اللي ناسية الله<br />
دور هتلقى كتير<br />
في معظم المجالات<br />
فيه كم رئيس ومدير<br />
وكتير من القيادات<br />
واخدين حقوق الغير<br />
بلا علم ولا شهادات<br />
بالواسطة والتزوير<br />
وشغل التلات ورقات<br />
ولا خبرة ولا تفكير<br />
وبيفهموا بالكاد !!<br />
مش يبقى برضه فساد ؟!!<br />
*********************** <br />
وموظفين ينصرفوا<br />
قبل ما يمضوا حضور !!<br />
وناس المواني يعترفوا<br />
برشوة المأمور<br />
واللي أبوه مسئول<br />
يبقى ليه تفضيل !!<br />
تقديره كان مقبول<br />
وبقى للنيابة وكيل !!<br />
والأول عليه على طول<br />
يبقى بعد الديل !!<br />
وابن الكبير مسئول<br />
لو حتى جايب ضاد !!<br />
مش يبقى برضه فساد ؟!!<br />
*********************** <br />
وأما المدرس ينام<br />
في الفصل لأجل الدروس !!<br />
ونرفع الإجرام<br />
ونطاطي ليه الرووس !!<br />
واللي يبيع البلد<br />
ببانجو ولا حشيش !!<br />
ويحرق تاريخ البلد<br />
ويضرب رجال الجيش !!<br />
يقولوا عنه أسد<br />
والناس وراه تنقاد !!<br />
مش يبقى برضه فساد ؟!!<br />
*********************** <br />
وأما بتوع إعلام<br />
يروجوا أكاذيب<br />
وحرامي يبقى إمام !!<br />
وعميل زعيم وخطيب !!<br />
وسفيه يكون قدام !!<br />
والعلم أهله بعاد !!<br />
مش يبقى برضه فساد ؟!!<br />
*********************** <br />
وأما الطبيب تلاقيه<br />
في الكشف ما بيفيد<br />
واللي بيفكر فيه<br />
إن الفزيتة تزيد !!<br />
ومقاول جميع مبانيه<br />
ما تلاقي فيها حديد !!<br />
وموظف يمد إيديه<br />
ويزور عطا ومزاد <br />
مش يبقى برضه فساد ؟!!<br />
*********************** <br />
وأما بتوع الاسعاف<br />
بيجوا بعد الموت !!<br />
وناس حقيقي نضاف<br />
ينضربوا بالشلوت !!<br />
ومسئول كبير بيخاف<br />
من كل عالي الصوت !!<br />
والناس يكونوا لطاف<br />
بس مع الأسياد !!<br />
مش يبقى برضه فساد ؟!!<br />
*********************** <br />
وأما رغيف العيش<br />
نموت عشان نلاقيه !!<br />
وغاز بلدنا ما فيش !!<br />
ولإسرائيل نهديه !!<br />
ومراقب التفتيش<br />
مكسور إيديه وعينيه !!<br />
واحنا ننام ع الخيش<br />
وكلاب تدوس سجاد !!<br />
مش يبقى برضه فساد ؟!!<br />
*********************** <br />
وأما بتوع الكورة <br />
يتقيموا بملايين !!<br />
وفي الجامعة دكتورة<br />
ظروفها زي الطين !!<br />
ورقاصة مشهورة<br />
تفتي في سياسة ودين !!<br />
وبنت تبقى فخورة<br />
عريانة وسط ولاد !!<br />
مش يبقى برضه فساد ؟!!<br />
*********************** <br />
لو جزارين يدبحوا<br />
ميتة ووقيع !!<br />
والفنادق يفتحوا<br />
لخمور وكل خليع !!<br />
وأما الشواذ ينصحوا !!<br />
ويحددوا التشريع !!<br />
ولما ناس يفرحوا<br />
في ساعة التوليع !!<br />
يقفوا كمان ويتنحوا !!<br />
لأجل اللهيب يزداد !!<br />
مش يبقى برضه فساد ؟!!<br />
*********************** <br />
وأما تلاقي اتنين<br />
بنفس الشهادات<br />
ونفس تاريخ تعيين<br />
والسن والخبرات<br />
واحد ياخد له ميتين<br />
والتاني بالألوفات !!<br />
وناس المرور نايمين<br />
والسواقين مزاجات !!<br />
وأهل البلد ناحتين<br />
وخيرها للخواجات !!<br />
ونساعد الخاينين<br />
تبقى بلدنا بلاد !!<br />
مش يبقى برضه فساد ؟!!<br />
*********************** <br />
والبياعين لما <br />
يغشوا في الموازين<br />
ومسئول بلا ذمة<br />
يسرطن لنا الطين !!<br />
واللي عشان شمة<br />
يروع الآمنين<br />
ويضيع تاريخ أمة<br />
مع عبدة الشياطين !!<br />
واللي ما يتسمى<br />
يملا القلوب أحقاد !!<br />
مش يبقى برضه فساد ؟!!<br />
*********************** <br />
ولما نقط أو نقط<br />
ويحصل كذا أو كذا !!<br />
ونفتخر بالعبط !!<br />
ونشجع احنا الأذى !!<br />
والصح يبقى غلط !!<br />
ونقلب فرحنا عزا !!<br />
ونلقى بكره سقط <br />
وحرق مصر شذى !!<br />
وأما العقول تنظبط<br />
على كيف يهود وموساد !!<br />
مش يبقى برضه فساد ؟!!<br />
*********************** <br />
لسه الفساد موجود !! <br />
جوانا ياما كتير<br />
وعشان لمصر نعود<br />
ويفضل وطنا كبير<br />
نفتح قلوبنا السود<br />
نعمل لها تطهير !!<br />
نرجع لمصر جنود<br />
ومش جنود للغير !!<br />
وبروحنا عنها نزود <br />
وندوس عميل وحقير<br />
نبقى حصون لحدود<br />
ومش أداة تدمير !!<br />
*********************** <br />
ننسى شوية الأنا<br />
ونراجع الحسابات<br />
وندوس على الشخصنة<br />
والانتصار للذات !!<br />
لسه الأمور ممكنة<br />
إوعى تقول هيهات<br />
بالحب يعلا البنا<br />
ونهزم الأزمات<br />
وتعيش كمان مصرنا<br />
فوق الأنا والذات<br />
لأنها أمنا<br />
وأم الدنيا والحضارات <br />
*********************** <br />
رشاد هويدي ( شاعر الوادي )</div>

مرام ام اميمة 09-29-2012 03:02 PM

دُمتَمْ بِهذآ الع ـطآء أإلمستَمـرٍ

يُسع ـدني أإلـرٍد على مـوٍأإضيعكًـم

وٍأإألتلـذذ بِمـآ قرٍأإتْ وٍشآهـدتْ

تـقبلـوٍ خ ـآلص احترامي

لآرٍوٍآح ـكُم أإلجمـيله


الساعة الآن 02:39 PM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir